Sálarfrøðilig viðgerð av føroyskum krígsveteranum

26/02/2016

Føroyskir Sálarfrøðingar sendu nýliga skriv til landstýriskvinnu Sirið Stenberg, løgmann Aksel Johannesen og fólkatingsmenninar Sjúrð Skaale og Magna Arge. Í hesum skrivi gjørdu vit vart við, at vit fegin vilja luttaka í arbeiðnum at snikka saman eitt hóskandi sálarfrøðiligt tilboð til føroyskar krígsveteranar - við støði í føroyskum sálarfrøðiligum kunnleika, ið finst á økinum. Fleiri limir felagsins hava holla vitan og kunning um júst sálafrøðiliga viðgerð av PTSD, sum ofta er ein avleiðing, ið heimvendir hermenn stríðast við.